Num 7 | NdeIBE | STEP | Kwathi uMosi eseqedile ukumisa ithabanikeli, waligcoba njalo walibusisa kanye lempahla yalo yonke. Wabuye wagcoba njalo wabusisa i-alithare kanye lezitsha zalo zonke.

Numbers 7

Iminikelo ekubusisweni kweThabanikeli

1 Kwathi uMosi eseqedile ukumisa ithabanikeli, waligcoba njalo walibusisa kanye lempahla yalo yonke. Wabuye wagcoba njalo wabusisa i-alithare kanye lezitsha zalo zonke. 2 Kwasekusithi abakhokheli bako-Israyeli, izinhloko zezimuli ezazingabakhokheli zabosendo ziphethe labo ababebalwa, zanikela.

3 Zaletha izipho zazo kuJehova, izinqola eziyisithupha ezembesiweyo lezinkabi ezilitshumi lambili – kuyikuthi indoda inye inikela ngenkabi eyodwa kuthi amadoda amabili ahlanganyele inqola eyodwa. Lokhu bakuletha ethabanikeleni.

4 UJehova wathi kuMosi, 5 “Yamukela izipho ezivela kubo ukuze zisetshenziswe eThenteni lokuHlanganela. Yabela abaLevi kusiya ngomsebenzi wendoda.”

6 Ngakho uMosi wathatha izinqola kanye lezinkabi wazinika abaLevi.

7 Wanika abakoGeshoni izinqola ezimbili kanye lezinkabi ezine, kusiya ngomsebenzi wabo, 8 abakoMerari bona wabapha izinqola ezine kanye lezinkabi ezifica mibili, kusiya ngomsebenzi wabo. Bonke babelawulwa ngu-Ithamari indodana ka-Aroni, umphristi. 9 Kodwa uMosi kazange aphe lokukodwa kuma-Khohathi, ngenxa yokuthi kwakungumlandu wabo wokuthwala ngamahlombe abo zonke izinto ezingcwele.

10 Ekugcotshweni kwe-alithare, abakhokheli baletha phambi kwalo iminikelo yabo yokulahlukanisela. Ngoba uJehova wayethe kuMosi, 11 “Umkhokheli oyedwa ngelanga uzaletha umnikelo wakhe wokwahlukaniselwa kwe-alithare.”

12 Owaletha umnikelo wakhe ngosuku lwakuqala nguNashoni indodana ka-Aminadabi owesizwana sakoJuda.

13 Umnikelo wakhe wawungumganu wesiliva isisindo sawo singamashekeli alikhulu lamatshumi amathathu, lomganu oyingubhe wokuchela wesiliva isisindo sawo ungamashekeli angamatshumi ayisikhombisa, yomibili kulinganiswa ngeshekeli lendlu engcwele, ngamunye ugcwele ifulawa ecolekileyo ixutshaniswe lamafutha njengomnikelo wamabele;

14 inditshi yegolide eyodwa isisindo sayo kungamashekeli alitshumi, igcwele impepha; 15 inkunzi eliguqa, inqama eyodwa lezinyane lemvu eliduna elilomnyaka owodwa, kungumnikelo wokutshiswa; 16 imbuzi eyodwa enduna kungumnikelo wesono; 17 kanye lezinkabi ezimbili, izinqama ezinhlanu, izimbuzi ezinhlanu ezinduna kanye lamazinyane amaduna ezimvu alomnyaka owodwa, kube ngumhlatshelo womnikelo wobudlelwano. Lo kwaba ngumnikelo kaNashoni indodana kaAminadabi.

18 Ngosuku lwesibili uNethaneli indodana kaZuwari umkhokheli wabendlu ka-Isakhari, waletha umnikelo wakhe.

19 Umnikelo awulethayo kwakungumganu wesiliva isisindo sawo ungamashekeli alikhulu elilamatshumi amathathu, lomganu owodwa wesiliva oyingubhe owokuchela olesisindo samashekeli angamatshumi ayisikhombisa, yomibili kulinganiswa ngeshekeli lendlu engcwele, ngamunye ugcwele ifulawa ecolekileyo ixutshaniswe lamafutha njengomnikelo wamabele; 20 inditshi yegolide elesisindo samashekeli alitshumi igcwele impepha;

21 inkunzi eliguqa, inqama eyodwa kanye lezinyane lemvu eliduna elilomnyaka owodwa, kungumnikelo wokutshiswa;

22 imbuzi eyodwa enduna kungumnikelo wesono; 23 lezinkabi ezimbili, izinqama ezinhlanu, izimbuzi ezinduna ezinhlanu kanye lamazinyane ezimvu amahlanu alomnyaka owodwa, kube ngumhlatshelo womnikelo wobudlelwano. Lo kwaba ngumnikelo kaNethaneli indodana kaZuwari.

24 Ngosuku lwesithathu, u-Eliyabi indodana kaHeloni, umkhokheli wabantu bakaZebhuluni, waletha umnikelo wakhe.

25 Umnikelo wakhe wawungumganu wesiliva olesisindo esingamashekeli alikhulu lamatshumi amathathu, lomganu wesiliva owodwa oyingubhe wokuchela olesisindo samashekeli angamatshumi ayisikhombisa, yomibili kulinganiswa ngeshekeli lendlu engcwele, ngamunye ugcwele ifulawa ecolekileyo ixutshaniswe lamafutha njengomnikelo wamabele;

26 inditshi yegolide elesisindo samashekeli alitshumi, igcwele impepha; 27 inkunzi eliguqa, inqama kanye lezinyane eliduna lemvu elilomnyaka owodwa, kungumnikelo wokutshiswa; 28 imbuzi enduna kungumnikelo wesono; 29 kanye lezinkabi ezimbili, izinqama ezinhlanu, izimbuzi ezinduna ezinhlanu kanye lamazinyane ezimvu amaduna alomnyaka owodwa, kube ngumhlatshelo womnikelo wobudlelwano. Lo kwakungumnikelo ka-Eliyabi indodana kaHeloni.

30 Ngosuku lwesine u-Elizuri indodana kaShedewuri, umkhokheli wabantu bakaRubheni, waletha umnikelo wakhe.

31 Umnikelo wakhe wawungumganu wesiliva olesisindo esingamashekeli alikhulu lamatshumi amathathu, lomganu wesiliva oyingubhe wokuchela olesisindo esingamashekeli angamatshumi ayisikhombisa, yomibili kuyisilinganiso samashekeli endlu engcwele, ngamunye ugcwele ifulawa elicolekileyo exutshwaniswe lamafutha njengomnikelo wamabele;

32 inditshi eyodwa yegolide elesisindo samashekeli alitshumi igcwele impepha;

33 inkunzi eliguqa, inqama eyodwa kanye lezinyane eliduna lemvu elilomnyaka owodwa, kungumnikelo wokutshiswa;

34 imbuzi eyodwa enduna kungumnikelo wesono; 35 kanye lezinkabi ezimbili, izinqama ezinhlanu, izimbuzi ezinduna ezinhlanu kanye lamazinyane ezimvu amaduna amahlanu alomnyaka owodwa kube ngumhlatshelo womnikelo wobudlelwano. Lo kwakungumnikelo ka-Elizuri indodana kaShedewuri.

36 Ngosuku lwesihlanu uShelumiyeli indodana kaZurishadayi, umkhokheli wabantu bakaSimeyoni waletha umnikelo wakhe.

37 Umnikelo wakhe wawungumganu wesiliva olesisindo esingamashekeli alikhulu lamatshumi amathathu, lomganu wesiliva oyingubhe wokuchela olesisindo esingamashekeli angamatshumi ayisikhombisa, yomibili kuyisilinganiso samashekeli endlu engcwele, ngamunye ugcwele ifulawa ecolekileyo exutshaniswe lamafutha njengomnikelo wamabele;

38 inditshi yegolide elesisindo samashekeli alitshumi igcwele impepha; 39 inkunzi eliguqa, inqama eyodwa kanye lezinyane eliduna lemvu elilomnyaka owodwa, kungumnikelo wokutshiswa; 40 imbuzi eyodwa enduna kungumnikelo wesono;

41 kanye lezinkabi ezimbili, lezinqama ezinhlanu, izimbuzi ezinduna ezinhlanu kanye lamazinyane ezimvu amaduna amahlanu alomnyaka owodwa kube ngumhlatshelo womnikelo wobudlelwano. Lo kwakungumnikelo kaShelumiyeli indodana kaZurishadayi.

42 Ngosuku lwesithupha u-Eliyasafi indodana kaDewuweli, umkhokheli wabantu bakaGadi, waletha umnikelo wakhe.

43 Umnikelo wakhe wawungumganu wesiliva olesisindo esingamashekeli alikhulu lamatshumi amathathu, lomganu wesiliva oyingube wokuchela olesisindo esingamashekeli angamatshumi ayisikhombisa, yomibili kuyisilinganiso samashekeli endlu engcwele, ngamunye ugcwele ifulawa ecolekileyo exutshaniswe lamafutha njengomnikelo wamabele;

44 inditshi yegolide elesisindo samashekeli alitshumi igcwele impepha; 45 inkunzi eliguqa, inqama eyodwa kanye lezinyane eliduna lemvu elilomnyaka owodwa, kungumnikelo wokutshiswa; 46 imbuzi eyodwa enduna kungumnikelo wesono;

47 kanye lezinkabi ezimbili, izinqama ezinhlanu, izimbuzi ezinduna ezinhlanu kanye lamazinyane ezimvu amaduna amahlanu alomnyaka owodwa kube ngumhlatshelo womnikelo wobudlelwano. Lo kwakungumnikelo ka-Eliyasafi indodana kaDewuweli.

48 Ngosuku lwesikhombisa u-Elishama indodana ka-Amihudi, umkhokheli wabantu baka-Efrayimi, waletha umnikelo wakhe.

49 Umnikelo wakhe wawungumganu wesiliva olesisindo esingamashekeli alikhulu lamatshumi amathathu, lo-mganu wesiliva oyingubhe wokuchela olesisindo esingamashekeli angamatshumi ayisikhombisa, yomibili kuyisilinganiso samashekeli endlu engcwele, ngamunye ugcwele ifulawa ecolekileyo exutshaniswe lamafutha njengomnikelo wamablele;

50 inditshi yegolide elesisindo samashekeli alitshumi igcwele impepha; 51 inkunzi eliguqa, inqama eyodwa kanye lezinyane eliduna lemvu elilomnyaka owodwa, kungumnikelo wokutshiswa; 52 imbuzi eyodwa enduna kungumnikelo wesono;

53 kanye lezinkabi ezimbili, izinqama ezinhlanu, izimbuzi ezinduna ezinhlanu kanye lamazinyane ezimvu amaduna amahlanu alomnyaka owodwa kube ngumhlatshelo womnikelo wobudlelwano. Lo kwakungumnikelo ka-Elishama indodana ka-Amihudi.

54 Ngosuku lwefica mibili uGamaliyeli indodana kaPhedazuri, umkhokheli wabantu bakaManase, waletha umnikelo wakhe.

55 Umnikelo wakhe wawungumganu wesiliva olesisindo esingamashekeli alikhulu lamatshumi amathathu, lomganu wesiliva oyingubhe wokuchela olesisindo esingamashekeli angamatshumi ayisikhombisa, yomibili kuyisilinganiso samashekeli endlu engcwele, ngamunye ugcwele ifulawa ecolekileyo exutshaniswe lamafutha njengomnikelo wamabele;

56 inditshi yegolide elesisindo samashekeli alitshumi igcwele impepha; 57 inkunzi eliguqa, inqama eyodwa kanye lezinyane eliduna lemvu elilomnyaka owodwa, kungumnikelo wokutshiswa; 58 imbuzi eyodwa enduna kungumnikelo wesono;

59 kanye lezinkabi ezimbili, izinqama ezinhlanu, izimbuzi ezinduna ezinhlanu kanye lamazinyane ezimvu amaduna amahlanu alomnyaka owodwa kube ngumhlatshelo womnikelo wobudlelwano. Lo kwakungumnikelo kaGamaliyeli indodana kaPhedazuri.

60 Ngosuku lwefica munye u-Abhidani indodana kaGidiyoni, umkhokheli wabantu bakaBhenjamini, waletha umnikelo wakhe.

61 Umnikelo wakhe wawungumganu wesiliva olesisindo esingamashekeli alikhulu lamatshumi amathathu, lomganu wesiliva oyingubhe wokuchela olesisindo esingamashekeli angamatshumi ayisikhombisa, yomibili kuyisilinganiso samashekeli endlu engcwele, ngamunye ugcwele ifulawa ecolekileyo exutshaniswe lamafutha njengomnikelo wamabele; 62 inditshi yegolide elesisindo samashekeli alitshumi, igcwele impepha; 63 inkunzi eliguqa, inqama eyodwa kanye lezinyane eliduna lemvu elilomnyaka owodwa, kungumnikelo wokutshiswa; 64 imbuzi eyodwa enduna kungumnikelo wesono; 65 kanye lezinkabi ezimbili, izinqama ezinhlanu, izimbuzi ezinduna ezinhlanu kanye lamazinyane ezimvu amaduna amahlanu alomnyaka owodwa, kube ngumhlatshelo womnikelo wobudlelwano. Lo kwakungumnikelo ka-Abhidani indodana kaGidiyoni.

66 Ngosuku lwetshumi u-Ahiyezeri indodana ka-Amishadayi, umkhokheli wabantu bakaDani, waletha umnikelo wakhe.

67 Umnikelo wakhe wawungumganu wesiliva olesisindo esingamashekeli alikhulu lamatshumi amathathu, lomganu wesiliva oyingubhe wokuchela olesisindo esingamashekeli angamatshumi ayisikhombisa, yomibili kuyisilinganiso samashekeli endlu engcwele, ngamunye ugcwele ifulawa ecolekileyo exutshaniswe lamafutha njengomnikelo wamabele;

68 inditshi yegolide elesisindo samashekeli alitshumi, igcwele impepha; 69 inkunzi eliguqa, inqama eyodwa kanye lezinyane eliduna lemvu elilomnyaka owodwa, kungumnikelo wokutshiswa; 70 imbuzi eyodwa enduna kungumnikelo wesono;

71 kanye lezinkabi ezimbili, izinqama ezinhlanu, izimbuzi ezinduna ezinhlanu kanye lamazinyane ezimvu amaduna amahlanu alomnyaka owodwa, kube ngumhlatshelo womnikelo wobudlelwano. Lo kwakungumnikelo ka-Ahiyezeri indodana ka-AmiShadayi.

72 Ngosuku lwetshumi lanye uPhagiyeli indodana ka-Okhirani, umkhokheli wabantu baka-Asheri, waletha umnikelo wakhe.

73 Umnikelo wakhe wawungumganu wesiliva olesisindo esingamashekeli alikhulu lamatshumi amathathu, lomganu wesiliva oyingubhe wokuchela olesisindo esingamashekeli angamatshumi ayisikhombisa, yomibili kuyisilinganiso samashekeli endlu engcwele, ngamunye ugcwele ifulawa ecolekileyo exutshaniswe lamafutha njengomnikelo wamabele;

74 inditshi yegolide elesisindo samashekeli alitshumi, igcwele impepha; 75 inkunzi eliguqa, inqama eyodwa kanye lezinyane eliduna lemvu elilomnyaka owodwa, kungumnikelo wokutshiswa; 76 imbuzi eyodwa enduna kungumnikelo wesono;

77 kanye lezinkabi ezimbili, izinqama ezinhlanu, izimbuzi ezinduna ezinhlanu kanye lamazinyane ezimvu amaduna amahlanu alomnyaka owodwa, kube ngumhlatshelo womnikelo wobudlelwano. Lo kwakungumnikelo kaPhagiyeli indodana ka-Okhirani.

78 Ngosuku lwetshumi lambili u-Ahira indodana ka-Enani, umkhokheli wabantu bakaNafthali, waletha umnikelo wakhe.

79 Umnikelo wakhe wawungumganu wesiliva olesisindo esingamashekeli alikhulu lamatshumi amathathu, lomganu wesiliva oyingubhe wokuchela olesisindo esingamashekeli angamatshumi ayisikhombisa, yomibili kuyisilinganiso samashekeli endlu engcwele, ngamunye ugcwele ifulawa ecolekileyo exutshaniswe lamafutha njengomnikelo wamabele;

80 inditshi yegolide elesisindo samashekeli alitshumi, igcwele impepha; 81 inkunzi eyodwa eliguqa, inqama eyodwa kanye lezinyane eliduna lemvu elilomnyaka owodwa, kungumnikelo wokutshiswa;

82 imbuzi eyodwa enduna kungumnikelo wesono; 83 kanye lezinkabi ezimbili, izinqama ezinhlanu, izimbuzi ezinduna ezinhlanu kanye lamazinyane ezimvu amaduna amahlanu alomnyaka owodwa, kube ngumhlatshelo womnikelo wobudlelwano. Lo kwakungumnikelo ka-Ahira indodana ka-Enani.

84 Le yayiyiminikelo yabakhokheli bako-Israyeli yokwahlukaniselwa kwe-alithare mhla ligcotshwa: imiganu elitshumi lambili yesiliva, imiganu yokuchela yesiliva eyingubhe elitshumi lambili kanye lezinkezo zegolide ezilitshumi lambili. 85 Umganu munye wesiliva ulesisindo samashekeli alikhulu lamatshumi amathathu, njalo umganu oyingubhe wokuchela ngamunye ulesisindo samashekeli angamatshumi ayisikhombisa. Sezihlangene, izitsha zesiliva zazilesisindo esingamashekeli azinkulungwane ezimbili lamakhulu amane, kulinganiswa ngesisindo seshekeli lendlu engcwele.

86 Izinditshi ezilitshumi lambili zegolide zigcwele impepha zilesisindo samashekeli alitshumi inye, kulinganiswa ngesisindo seshekeli lendlu engcwele. Sezindawonye, izinkezo zegolide zilesisindo samashekeli alikhulu elilamatshumi amabili. 87 Inani lezinyamazana zonke ezomnikelo wokutshiswa zazibalisa itshumi lambili lezinkunzi ezingamaguqa, itshumi lambili lezinqama kanye letshumi lambili lamazinyane ezimvu amaduna alomnyaka owodwa, kanye lomnikelo wazo wamabele. Izimpongo ezilitshumi lambili zaba ngezomnikelo wesono. 88 Sezihlangene zonke izinyamazana zomhlatshelo womnikelo wobudlelwano kwaba zinkabi ezingamatshumi amabili lane, izinqama ezingamatshumi ayisithupha, izimbuzi ezinduna ezingamatshumi ayisithupha kanye lamazinyane amaduna ezimvu alomnyaka owodwa angamatshumi ayisithupha. Le kwakuyiminikelo yokwahlukaniselwa kwealithare emva kokugcotshwa kwalo.

89 Kwathi uMosi engena eThenteni lokuHlanganela ukuba ayekhuluma loJehova, wezwa ilizwi likhuluma laye liphuma sengathi liphahlwe ngamakherubhi amabili ngaphezu kwesisibekelo sesihlalo somusa, phezu kwebhokisi lobuFakazi. Wasekhuluma laye.